E leai se uiga o le faamalosia o fanau a’oga ia ave le mataupu o loo a’otauina ai talaaga o Niu Sila ma ana aganuu.
Na fesiligia e le pati a le ACT le mataupu lenei o loo faamalosia mo fanau a’oga tausaga muamua i le iunivesite o Aukilani, poo le mataupu o lea lava foi e eseese ai finagalo o fanau a’oga.
O le amataga o Mati lea na faaofi mai ai le Waipapa Taumata Rau course ma e tatau i fanau uma o loo tausaga muamua ona ave, ma o loo manino lava foi i tala mai le iunivesite e silia ma le 7000 fanau a’oga e aofia ai fanau a’oga mai atunuu i fafo o lea e faamalosia le tatau ona ave o le mataupu lenei i le 2025.
O le talitonuga o le iunivesite o se mataupu e faatapena ai fanau a’oga i le ofi atu i le iunivesite.
Peitai mai le sooupu o le vaega o a’oa’oga a le ACT, ua ia faatalosagaina le iunivesite ia faamuta nei lea mataupu.
E lē tatau foi ona faamalosia international students e totogi le faitau afe mo se mataupu e lē aogā mo i latou ma a latou a’oa’oga aemaise o galuega i le lumana’i.
E manatu le sui o le ACT e tatau ona avea o se mataupu elective, poo mataupu nei e filifli ai le tamaitiiti i le ave ma le lē avea.
Puna o Faamatalaga: Mandatory NZ history course at Auckland University spurs debate | RNZ News
