O le maliu o se tagata ua mafua ai ona faalēaogāina le koneseti tele i Melepone le International Comedy Festival.
Ua lipotia mai o lea tagata na maliu a o faia lea faaaliga i lona ulua’i po anapo ma ua ta’ua i lipoti o le Palais Theatre i St Kilda na faia ai le faaaliga ae valaau ane ai le fesoasoani faavavave poo le ta o le 9 i le po.
Ua faailoa e leoleo e leai se isi o masalomia i le maliu o lea tagata ma o loo faatalia foi faamaoniga poo ai tonu, peitai o le mea mautinoa ua faalēaogāina le faaaliga poo le festival tele lea ma ua faailoa e i latou na tuufaatasia o le a fesoota’i i tagata ua mae’a faatau pepa.
E to’atele ua faaalia le faanoanoa i le tulaga ua oo iai aemaise le aiga o si tagata ua maliu.
Ua faafetaia foi e le to’atele le faai’uga ua faia e ui sa umi se taimi o talitalia le festival peitai na faailoa foi nisi finagalo i luga o upega tafa’ilagi e le’i fiafia i le faaauau pea o le faaaliga lea i le po anapo a o faia galuega lavea’i mo lē na aafia.
O loo galulue leoleo i le su’esu’ega ae ua ta’ua o le tau o pepa matamata e mai le $73-$199 a le tagata.
Puna o Faamatalaga: https://www.google.com/amp/s/amp.9news.com.au/article/9e9ce5e8-5a6b-4023-abfa-784befdb706c
