Ua toe unaia malosi e le faigamalo a Ausetalia tagata Ausetalia i Lepanona ina ia agai ese mai loa ina ua vaaia le faifaitetele o vesiga i le va o le Hezbollah ma Isaraelu.
O loo iai foi ma le lapataiga i tagata Ausetalia o loo fia agai atu iai i lea faaitu.
Fai mai le upega tafailagi a le faigamalo, o vevesi e vave faateteleina i soo se taimi ma ua iai foi kamupani vaalele ua faalēaogāina a latou faigamalaga i lea faaitu ma e mafai foi ona vave faamuta faigamalaga pe afai e faaauau pea ia vesiga.
O le masina o Oketopa o le tausaga na te’a nei na amata lapataia ai tagata Ausetalia mai le agai atu i Lepanona ae ua matuā toe faamalosia i le vaiaso nei ina ua fana a’e se loketi agai i le nofoaga a Isaraelu i Golan Heights ua lipotia le maliliu ai o tamaiti e to’a 12 sa iai i luga o se malae soka.
Puna o Faamatalaga: https://www.9news.com.au/national/lebanon-travel-advice-australians-urged-to-leave-country-middle-east-tensions-rising/82dd3b30-2c0a-41c3-9de9-cfb95496acbe
