O le fonotaga na faia a le failautusi o le va I fafo ma fefaatauaiga a Niu Sila, Chris Seed sa faia ma le failautusi o le matagaluega lava lea a le malo o Saina sa faatalanoa ai mataupu e pei o fefaatauaiga, suiga o le tau ma laga ai ma le mataupu ia Ukraine.
Faailoa I le lipoti a le Newshub ole pepa o faamatalaga mai le matagaluega lea ua taua ai sa faatalanoa ai I lea fonotaga mataupu taua faavaomalo e aofia ai ma luitau I le tulaga tau le puipuiga e aofia ai ma gaioiga faamalosi a Lusia I totonu o Ukraine.
Sa faamaioio ai e le sui o Niu Sila I lea fonotaga le le taliaina e Niu Sila o gaioiga a Lusia o loo faia ma ua faamalosi atu ai I le sui o Saina ina ia faaaoga oa malosiaga ma avanoa o loo iai ina ia fautuaina ai Lusia e tusa o lea mataupu.
O taimi uma e laga ai le mataupu ia Lusia I le atunuu o Saina e faaeteete lava alatou tali ile mataupu e pei ona matauina foi i nisi o faasalalauga mae latou te taua e faaaloalogia e Saina atunuu eseese ma o latou tulaga ma latou te lagolagoina foi le nofo filemu ae lei iai lava se faamaoniga e tuuina ane o loo latou tetee pe upuia foi gaioiga a Lusia o loo faia.
O Saina le paaga aupito tele a NIu Sila o loo iai nei I fefaatauaiga, o oloa ma auaunaga e auina atu mai Niu Sila I Saina e oo atu I le 20 piliona ile tausaga e maua ai .
