Ua faamalolo tagata faigaluega e toafā a le Oranga Tamariki lea na a’o a latou martial arts i se tasi o fusuaga na aafia ai tupulaga talavou o loo faasala.
O le ata video ua toe salalau nei o loo iloa ai le fusuaga lea ma o le nofoaga lava foi lea e tasi o loo faasala ai talavou i Aukilani i Saute lea na teteva ai talavou na nonofo i luga o le taualuga o le fale ma faaleaga i le faaiuga o le vaiaso.
Na lipotia e le leitio a Niu Sila o le fusuaga na tulai mai i le ogatotonu o le masina talu ai, ma o le sau ai o le ata video e pei ona toe faasoa e nisi i luga o le social media e oo mai ananafi, na aveesea ai loa e le Oranga Tamariki lana aufaigaluega o loo aafia ai.
O loo faasolo pea nei suesuega a le pulega e tusa ma lipoti, faapea ai foi ma sailiiliga a le ofisa o leoleo.
