Ua faamalolo e le fale suetusi tele a le PwC sui o lana pulega ma ave faamalosi livi o ana paaga e toaiva a o suesue faamaumauga ua toe liki i tua.
O le PwC poo se tasi o kamupani suetusi o loo lavea i totonu o le Big 4 i le lalolagi, o lea ua toe faatoese le Pule Sili o lona lala i Ausetalia i tagata lautele faapea le malo o Ausetalia ona o le mea ua tupu.
O lē sa avea ma ona faufautua Peter Collins lea foi sa ia fautuaina le malo o Ausetalia i le 2015 o ia lava lea ua toe liki ai i tua faamaumauga nei.
I tala a le 1News o loo ta’ua ai o nei faamaumauga na toe tuuina atu i kamupani e 14 i Amerika.
Mai lava i le amataga o le masina o lea na faamalolo ai nisi o sui o le pulega, ae oo mai ananafi ua faatonuina le toaiva o ana paaga poo i latou nei o loo galulue i le va o le PwC ma pisinisi e ave o latou aso livi a o faasolo suesuega.
