O le faaiuga o le vaiaso na faatino ai se sainigalima a le afioga i le taitai o le atunuu le
Tamaitai Palemia Fiame Naomi Mataafa ma le Minisita o le Va i Fafo o le Malo Saina Wang Yi e faamautu nisi o atina’e ma poloketi o loo galulue ai atunuu e lua.
O ia e atina’e e pei ona ta’ua e le Tamaitai Palemia i lana feiloaiga ma Tusitala i le po anapo sa tulaga ese lea sainigalima ona ua malaga faapitoa atu le Minisita o le Va i Fafo ma avea ai i laua ma molimau peitai o faauluuluga lava o Malo e lua sa masani ona gafa ma lea galuega.
Na ia ta’ua foi o poloketi lava ua leva ona faagasolo mai ma o loo malilie ai atunuu e lua e pei o le Aoga mo Leoleo ua leva ona faatulaga vaganā ai se faaopoopoga fou o le faatulai mai lea o se potu suesue poo se Lab mo fingerprints ae e lē gata i lea o isi atina’e tetele e pei o le Cultural Center ma le Waterfront Park.
Ta’ua e Fiame o le sainigalima lea o le faamautuina aloaia o atina’e ma poloketi ua leva ona talanoaina i le va o Malo e lua.
O le malaga a Wang Yi o loo faamoemoe e asia atumotu o le Pasefika e 8 e aofia ai ma Samoa ina ia saga faamautu a latou atina’e ma fesoasoani foi o loo tuuina atu mo le Pasefika atoa.
