Leai se suauu maua i Papua Niu Kini.
O le tala lea mai le kamupani suauu autu o loo sapalaiina Papua Niu Kini, Puma Energy ma o lea o loo tuuaia o le lē lava o tupe fefaataua’i ma atunuu i fafo e totogi ai le avatu o le suauu, o le faafitauli lea.
Ua valaau ai i faletupe uma e aofia ai le faletupe tutotonu a Papua e moomia le faaopoopo o tupe nei e faaliliu auā fefaataua’iga faavaomalo.
A o fai mai la le Puma Energy a Papua ua leai se sapalai, ua sau ai foi ma tala o loo fuafua e tapunia isi ona lala i totonu o Papua ma o lea ua amata fetuutuunai konekarate ma o se fuafuaga o lea lava foi na faatalanoa ma sui o le malo.
