Ua iai se faaletonu ua aafia ai se tasi o kamupani fau fale tele a Ausetalia ma ua faateia ai le toatele I lipoti o lea mataupu ile vaiaso nei.  O le kamuani a le Deloitte lea ua avea ma administrator ina ua lipotia e faapea sa faatonuina mai le kamupani a le WBHO South Africa e le kamupani e anaina e faapea ole a taofia uma fesoasoani tau tupe ma isi mo le lala lea o le kamupani I Ausetalia.

E aofia ai la ma le Probuild, WHBO Infrastructure ma le Monaco Hickey, fai mai se sooupu ale Probuild ua lavelavea ai ma latou I le mataupu lea e aunoa mase gaioiga na faia ma o loo galulue nei ma le administrator I ni fuafuaga e puipuia ai a latou paaga, subcontractors faapea le aufaigaluega.

Fai mai le kamupani o loo iai nisi o avano e mafai ona sailia ai le tupe manaomia efaaauau ai le kamupani o se kamupani Ausetalia lava ia. Vaaia ile taeao analeila nisi ole aufaigaluega ile nofoaga I Melepone ua taumafai e aveese mai a latou meafaigaluega mai le vaega e masani ona faigaluega ai peitai e taunuu atu o loo loka uma pa.

O le popolega tele o nai tagata faigaluega I lea kamupani e pei ona faailoa e nisi I talafou, o le tulai mai o lea mataupu ise tulaga faafuasei ma o le a avea o se tasi o luitau tele faaopoopo atu I aafiaga o le koviti I tagata.