Ua lipotia mai e le Radio NZ le fetaia’i o le Ofisa o Femalagaa’iga a le atunuu ma faafitauli i se tasi o a latou auala faatekonolosi, le NZ – ADEPT visa-processing system.
Ua faamauina o lea auala faatekonolosi o se vaega fou faato’ā amata faatino mai, ma ua tele tagata malaga ua aafia a latou faigāmalaga ona o le faaletonu.
E to’atele ua lē maua le tele o visa, o nisi ua lē mafai ona faimalaga ona o le tuai atu o a latou talosaga i visa e faimalaga ai i isi atunuu.
Ua faamanino e le loia o femalagaa’iga na lē mafai ona talia ma tuuina atu i tua visa talu ai o le faalētonu e māfua mai ina ua lē mafai e le system ona tuufaatasia ia faamaumauga ma pepa o visa mo tagata na talosaga.
Ta’ua e le INZ, pe ā ma le 900 visa na talia i le Aso Gafua, pe a faatusatusa atu i visa na talia i le vaiaso talu ai, ae faaalia na faasolo mai lava le tele aafiaga ma faaletonu aga’i mai i le Aso Lulu o le vaiaso lenei, ma ua to’atele ai tagata ua faatuai ona toe aga’i i galuega ma le to’atele ua iai faasolitulafono i totonu o le atunuu.
Ma ua upuia ai nei e lea loia le ofisa o femalagaa’iga a le atunuu ona e lē o iai lava se fuafuaga o fai e ono taofia ai lea faafitauli i le ono toe tula’i mai.
