Ua faatoese le Fulton Hogan i avetaavale o taavale lea na aafia o latou sa i le ta e lei lelei ona fai.
O le State Highway 1 i le agai i Matu latalata i Dome Valley lea na maua e tala fou le tele o taavale e le gata o le telegese ai o taavale ae o le lē mafai ona faaauau ona ua toe mamau le ta fou i pa’u o taavale.
O le po anapo lea na amata tapuni ai se vaega o la SH1 i le va o Warkworth ma Wellsford ma e tolu po o loo fuafua e tapunia ai a o toe faamago le ta fou atoa ai ma le tele o galuega toe faaleleia.
O le faatoesega a le Fulton o loo sau ai ma le tala mai le pulega a le Waka Kotahi o loo mafai ona faaulu faaseā e ala i le imeli o le kamupani.
Mai leoleo e silia ma le 40 avetaavale na faaseā ma lipotia atu le aafiaga o tino o taavale faapea ai ma pa’u ona o le ta e lei malō.
O le taamilosaga ua iai nei, ua le faaaogaina ai le SH1 ae o le SH16.
