Ua lipotia i le RNZ le faalauiloaina ose documentary poo se ata faamatala ua auiliili ai le tāina o le tatau Samoa.
O lea ata faamatala ua tuufaatasia e le tusitala o le RNZ, Faivaeselopepe Anric Sitanilei ma ua faamatala ai lona agai e tāina sana tatau ia Tesema o le tausaga na tea nei mai le tufuga ta tatau o Su’a Paulo Junior Suluape.
O loo ta’ua e Sitanilei i lea lipoti sa fia faasoa lana tala i le faailoaina o le tatau ma faailoa i le aumaimoa, o le tāina o le tatau o se avanoa maualuga ma tāua.
O Meraz Parker Potoi o le MP Studio Samoa sa fesoasoani i le tuufaatasia o ata ma isi vaega ma ua ogatasi lona faalauiloaina ma le amata o le faamanatuina o le vaiaso o le gagana Samoa i totonu o Niu Sila.
