Komiti Tina ma Tamaitai - Tufulele
Komiti Tina ma Tamaitai - Tufulele
Photo: Samoa Global

Faalauiloa measina Samoa a le Komiti o tina a Tufulele

O le galuega o le lalagaina o measina Samoa poo le ietoga o se tiute patino lava i tina ma tamaitai o nuu ma afioaga, o se galuega e faasolosolo i soo se auga tupulaga ina ia faaolaola pea measina a le atunuu.

O le auga lea ma le faamoemoe o le faalelegapepe le Komiti o Tina ma Tamaitai o le afioaga o Tufulele i lenei vaiaso. E tele ietoga ma faalealea i se solo na amata mai i Utualii seia oo i Tufulele na taitaia e le faletua o le matai taua i lea afioga le susuga Faasula Luatuanuu.

O le galuega a Faasula o le faamaopopo lea o Tina ma Tamaitai o le nuu ma fai atinae eseese mo le lumanai o aiga e pei la o le lalagaina o le ie samoa.

Na vaaia le lagolago a tamā ma taulele’a o le afioaga i atinae a tina ma tamaitai ma na taua e le matai taua o le afioaga Luatuanuu Pili “e maofa ma ua matuā fiafia lava i galuega a tina o le afioaga e ala lea i le faatumauina o le gaosia o measina a Samoa”.

Taua e Faasula ua 5 tausaga talu ona tauva le Komiti o falelalaga a le afioaga o Tufulele i faalelegapepe a le Mālō i le teuila i tausaga taitasi peitai ona o le tele o vaega ua aveese mai le polokalame o le Teuila e aofia ai ma le faalauiloaina o ie a falelalaga taitasi o le ala lea ua fai ai lava le latou polokalame faapitoa ina ua faalauiloa a latou galuega.

E 10 ie tetele na mafai ona tuufaatasi e lei Komiti a Tina mo lenei tausaga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required