O Ausetalia, Amerika, Iapani, UK ma Niu Sila lea faalauiloa se isi a latou kulupu fou ua faatūina e aga’i sa’o i le una’ia o sootaga tau tamaoaiga ma upufai o malo ma atumotu o le Pasefika e pei ona faailoa i se saunoaga mai le falepaepae ma lipotia i le leitio a Niu Sila i le Pasefika.
O le faigamalo a Biden ua tautino o le a taulai mai nisi o fesoasoani faaopoopo i le Indo Pacific a o aga’i foi Saina ia e unaia le tulaga tau tupe, militeli ma sootaga tau leoleo ma atumotu o le Pasefika o loo naunauta’i i inivesi mai atunuu i fafo.
O le kulupu fou la lea ua faaigoa Partners in the Blue Pacific o le a sailia fesoasoani mo le Pasefika ma faamalosia atili sootaga i le va o atunuu o le Pasefika ma le lalolagi.
Fai mai le falepaepae e pei ona ta’ua i le lipoti o le latou kulupu ua tutū faatasi e faasoa lo latou naunauta’iga e fesoasaoni i le itulagi ma ia penefiti ai tagata o le Pasefika ma ta’ita’ia lava foi e latou i latou lava.
