E iai se fuafuaga fou ale malo ua faalauiloa aloaia i le aso ua agai sa’o lava i le fesoasoani i tagata talavou i taimi o mafatiaga ona o mafutaga motusia, break ups.
O lea campaign ua faaigoa Love Better ma ua agai sa’o i le taofia o mafatiaga i aiga.
Ua faailoa o le a tuuina ai le fesoasoani i tagata talavou i mafutaga ina ia faaleleia atili ai uiga faaalia i taimi o mafatiaga.
O le faamoemoe o loo lagolagoina e le Youthline ma e $6.4 miliona ua faagaga ane mo le faatupeina o lea faamoemoe i totonu o le tolu tausaga.
O le minisita lagolago o le Social Development na ia faalauiloaina lenei campaign fou i le ofisa autu o le Youthline i Grey Lynn ma ua galulue faatasi ai ma le minisita o le Prevention of Family and Sexual Violence, Marama Davidson.
Fai mai le faamatalaga e silia ma le 1,200 talavou ua o latou faailoa le manaomia o le fesoasoani mo latou i taimi e feagai ai ma aafiaga i mea e tutupu i mafutaga i taimi amata o le avea ai ma talavou.
