O le saunoaga a le minisita o le Matagaluega o Pisinisi, Alamanuia ma Leipa I Samoa, Leatinuu Wayne Sooialo e pei ona tuuina mai ai se pepa o faamatalaga mai le ofisa o faasalalauga a le malo I Apia, ua taua ai le tatala aloaia o le polokalame o fesoasoani a le malo mo vaega tu maoti ma le faalapotopotoga o tagata faigaluega ona o aafiaga o le koviti 19.
Mo le vaega tumaoti e pei ona taua sa tuuina I totonu o le tala faatatau o tupe mo le tausaga faaletupe 2021-2022 se vaegatupe e 10 miliona tala e fesoasoani ai ile vaega tumaoti, ma o le a fesoasoani lea I mea o loo manaomia e latou mo le faatinoina o a latou pisinisi.
Mo le fesoasoani mo faalapotopotoga o tagata faigaluega ua faailoa mai e 20,000 le aofai o le a vaevaeina tai 5 afe I faalapotopotoga o tagata faigaluega e fa e aofia ai le fono aoao o tagata faigaluega I samoa poo le Samoa Workers Congress, faalapotopotoga o le au tausi soifua a Samoa, faalapotopotoga o tagata faigaluega a le malo male faalapotoptoga o tagata faigaluega I luga o vaa.
