Ua faaiuina ma le filemu toe sauniga faa-Samoa ma faa-Maori o le sui o le Mongrel Mob, Daniel Eliu lea na fana e le tagata i le kapaka a le Ekalesia Aso Fitu i Puhinui i Aukilani.
O se tala lea mai leoleo e pei ona o latou mataitu ai e le gata o le nofoaga sa faia ai toe sauniga ae faapea nisi o auala e masani ona vaaia ai sui o kegi i Aukilani i Saute.
I lipoti a le Stuff o le aso foi ananafi ua faamae’aina ai ma sauniga faa-Samoa ma le faa-Maori.
Ae mai leoleo e leai se faafitauli tele e fesootai ma le maliu ananafi seia vagana ai pepa o faasalaga mo nisi o avetaavale faasuaava na maua.
E oo mai i le taeao nei, mai le aso 17 o le masina lenei na fana ai lē ua maliu a o iai i sauniga o le Kerisimasi, e lei maua lava lē na faia e ui o lea e faapea sa i totonu o le falesa i le taeao atoa a o lei amatalia le sauniga.
