Ua faaitiitia tagata i le atunuu ua aafia i le siama o le faama’i Koviti-19 poo le korona vairusi ma ua faaalia ai e le ta’ita’i o le Malo ua taunuu le pepesi o le faama’i i le tumutumu, ma ua toe fai ifo lona pipisi.
E fua lea i le numera lata mai o tagata ua faamaonia ua maua i le faama’i lea e 235 faatusa i le 302 sa faamauina muamua i le vaiaso ua mavae. O le aofa’iga lata mai o ē uma ua aafia i le atunuu talu mai le aso 17 o Mati na pesia ai le lautele o tagata ua 13,405 ae faaopoopo iai ma pasese malaga mai fafo e 94 ua maua i le faama’i ona oo lea o le aofa’iga atoa i le 13,499. E to’atasi le maliu e mafua i āuga o le faama’i ua faailoa e le ta’ita’i o le Malo ma faamauina ai le 26 o tagata ua fano soifua i le Koviti-19.
O loo faaauau pea le galuega o le tuipuipui mo fanau ma le aumatutua i latou e agavaa i le tuipuipui mo le faama’i korona vairusi, ae o lea ua oo i le 93 tesimale tasi pasene le matutua o le 18 tausaga ma luga atu ua mae’a tui e lua, 89 tesimale fitu pasene le matutua o le 12 i le 17 tausaga ua mae’a foi tuipuipui e lua ae 87 tesimale 6 pasene le fanau mai le 5 i le 11 tausaga ua mae’a foi tuipuipui o le faama’i.
Ua 74 afe 882 tagata ua mae’a le tui lona tolu le booster
