Ua faailoa i lipoti e lua ni vaega ua faatulaga nei e faia iai le faaiuga a le Auckland Council poo le Pulega a Aukilani e uiga i se stadium tele i le aai.

O options poo avanoa e lua ua silasila iai o le faia o le isi stadium i le waterfront ma le toe faatulaga o Eden Park.

E ono masina lea ua tuuina i vaega nei e lua o le a faia iai suesuega ma sailiga foi i itu e ao ai ona faia le filifiliga sa’o.

E fā vaega na silasila iai le Council peitai ua faaitiitia mai nei i le na o le lua.

Na saunoa se tasi o sui o le Council i le lipoti e faapea o nai masina ua tuanai atu sa o latou galulue ai i le suesueina o mataupu e faatatau i stadiums i Aukilani aemaise se fuafuaga ua maua e le Council o loo fia fausia se national stadium i Aukilani ma o loo ta’ua o lenei fuafuaga e lei faamaite maia e le Council poo o latou faatupeina foi ma o loo sailia foi se finagalo mai ia i latou e tele le tomai i tulaga tau stadiums ma lo latou faagaioiga.

Puna o Faamatalaga: https://www.rnz.co.nz/news/national/518329/auckland-council-narrows-down-short-list-for-auckland-stadium