O le a toe faaitiitia faigamalga a trains e feoai i Sisifo o Aukilani i le vaiaso a sau, ona o galuega toe faaleleia.
I le va o le aso 11 o Mati ma le aso 24 o Aperila, o lea o le a na o le tasi le auala train e faaaogā, ae faasolo galuega i luga o le isi auala.
O galuega nei o le a aafia ai ma feoaiga a trains lea e 20 minute le va o faigamalaga i taimi o le aso, ae 30 minute i le afiafi, ua suia mai ai i le na o le 10 minute o loo iai i le taimi nei.
I se faamaoniga mai le KiwiRail lea o loo gafa ma galuega, o lea sa taumafai lava i se auala e aua ai ne’i tapunia uma le auala train e ui i galuega o loo fuafua.
O loo lagolagoina foi e le Auckland Transport le moomia ona faasolo o galuega ua faailoa mai e le KiwiRail ona e tāua tele mo le laina i le itu i Sisifo.
O le a iai pasi e suia faigamalaga ua aafia, ae mo pasese e faaaogāina auaunaga a trains, o lea ua fautuaina e faaaogā le AT Mobile app e iloa ai taimi ma suiga o faigamalaga.
