Ua folafola mai e le Ofisa o Femalagaa’iga a Niu Sila ma le ofisa o le va i fafo le faaitiitia o tapulaa sa iai mo tagata asiasi atu i Niu Sila mai atumotu o le Pasefika.
Ua lipotia e le RNZ e amata atu i le amataga o Iulai o le tausaga nei, o tagata asiasi atu i Niu Sila mai atumotu o le Pasefika ma talosaga mo se visa asiasi i Aotearoa o le a agavaa mo le multiple visa, o le a mafai ai ona faatele ona asiasi i Niu Sila i totonu o le lua tausaga poo le 24 masina.
O lona uiga o lea ua faaopoopo le isi tausaga atoa i luga o le 12 masina e pei ona iai lea visa i le taimi nei ae o loo tumau pea isi aiaiga uma sa iai muamua.
O le aisi suiga pei ona faailoa i le lipoti e amata atu ia Novema o le tausaga nei o tagata mai atunuu o le Pasefika e iai o latou tusifolau Pasefika e malaga ane ai mai Ausetalia i se visa faigaluega poo se visa faaleaiga, o le a lē toe mana’omia ona talosaga mo se visa e asiasi ai i Niu Sila i le oo atu i le 3 masina.
Ua faailoa e 12 masina o le a faata’ita’i ai lea faiga fou ma e maua nisi faamaoniga atili pe a fesoota’i sa’o i le matāgaluega o Femalagaa’iga a Niu Sila.
Puna o Faamatalaga: https://www.rnz.co.nz/international/pacific-news/557843/make-it-easier-and-cheaper-new-zealand-eases-visa-restrictions-for-pacific-island-nations
