Ua faailo e kalapu lakapi e lima a Niu Sila a latou togina taalo mo le taamilosaga o le tausaga fou 2022 ma ua atagia ai a latou aganuu ma mitamitaga ile atunuu. Faailoa ai tulaga o jerseys o le a faaaogaina faapea ai ma lavalava toleni.
Ile itu i matu o le atunuu ua filifili nei ele Blues le jersey lanu moana malosi mo a latou taaloga e faia I totonu o niusila nei, home games ae filifilia le jersey lanu paepae mo taaloga i fafo atu o le atunuu.Fai mai o le ata o loo I luma o le jersey lanu moana e faa ata mai ai se meeting point poo se vaega e fetaui uma iai ituaiga tai e fa e pei ona vaaia i Cape Reinga i Northland.
O le lanu moana o le ofu e faamanatu ai le tulaga o feoaiga, migrations, ose tasi o vaega taua o le talaaga o NIu Sila. Mai Waikato o le a faaaogaina e le Chiefs mo home games le jersey e atagia ai le ata o le la ma le sootaga ile va o whanau a le Chiefs, a latou lagolago, sui auai, tagata taalo ma supporters uma o le kalapu.
O le latou away jersey e faa ata ai le paua, e pipii mau ile maa, fai mai le Chiefs o le ata o le mafaufau o le tama taalo o le kalapu pe a agai ese ma le atunuu ae tumau pea le manatu I lana kalapu ma le faaitu o Waikato.
O le Hurricanes ua toe faa ata mai le stripe lanu moana I la latou jersey, faa ata ai ma le malosi o le matagi, ose malosiaga mo latou . Fai mai o le sripe lanu moana e toe manatua ai le uluai jersey o le super rugby a le Hurricanes.
O le Crusaders ua matamata tetele la latou logo ma ua tuuina ati le ata o le Southern Alps I le pito I luma o jerseys uma e lua. E faa ata mai ai tumutumu mauga e ono o le latou faaitu. Ma le Highlanders o le theme o le latou ofu o le heritage remixed ua atagia ai le eseese o sui o le latou komiuniti o loo lalaga faatasi ile kalapu . O le Super Rugby Pac ua fuafua e amata I le aso 18 o Fepuali o le tausaga fou.
