Ua sami ma faamanatu i lenei masina e le Koneferenisi tele a le Ekalesia Metotisi Aoao i Samoa ma atunuu i fafo le atoaga o le 60 tausaga talu ona faavaeina le koneferenisi i le tausaga e 1964.
O le laumua ma le nofoaga tutotonu o le ekalesia i Foga’a i Faleula na tatala ai sauniga o le 60 tausaga i le sauniga lotu i le Aso Sa mulimuli o le masina o Iuni, ma faasolo ai polokalame e tupulaga talavou mai Sinoti eseese ua malaga mai auā usugafono o le Koneferenisi o lenei tausaga.
O le tausaga e 2014 na faailoga ai le 50 tausaga o le koneferenisi ma sa tolaulau ai e le Failautusi aoao o le Ekalesia le susuga Eteuati Tuioti se talaaga o le ekalesia mai lena tausaga e oo mai i le tausaga nei ua atoa ai le 60 tausaga.
Na salani saunoaga o le sauniga lotu o le 60 tausaga o le koneferenisi i upu faamalosiau ma upu faaleagaga mai le Pelesetene aoao o le ekalesia Metotisi o Samoa le susuga i le faafeagaiga Faulalo Leti Pa’aga
O le Koneferenisi a le auuso fealofani o le a amata ai le Koneferenisi tele o lenei tausaga 2024.
