Ua lipotia e le 9 Sports se lipoti e faatatau i le konekarate 5 tausaga a le alii taalo o Jarome Luai i le West Tigers. Tā’ua i le lipoti a le Sydney Morning Herald o le konekarate lea o loo tuu ai le avanoa ia Luai mo le tolu tausaga mulimuli o lana konekarate lona uiga e mafai lava ona toe agai ese Luai mai le Tiger i le maea o le lua tausaga.

Ua faailoa foi i le lipoti mai le Herald sa finau le pulega a Luai mo avanoa ia ia faia ina ua feutagai ma lē sa avea ma pule o le Tigers, Justin Pascoe ae sa teena ia talosaga i lea taimi; peitai ua agai ese Pascoe ao lea ua faataga e Shane Richardson lea ua sui tulaga.

Ae i le tulai mai ai o lea vaega i le konekarate a le alii taalo ua faapea o le a faaopoopo ai le tele o faafitauli a o ni lu’itau e feagai ma le alii faiaoga o Benji Marshall a o tapena atu ai i le amataga o le isi taamilosaga.

O le a auai faatasi Jerome Luai, Terrell May, Sunia Turuva ma Jack Bird i le kalapu lakapi liki o sui fou a le West Tigers. O le konekarate a Luai e pei ona lipotia e $6 miliona. 

Puna o Faamatalaga: https://www.nine.com.au/sport/nrl/news-2024-jarome-luai-wests-tigers-contract-clause-revealed-player-option-20241205-p5kw9g.html