Ua fesiligia e le ta’ita’i o le Itu Agai, Peter Dutton faiga faavae tau lafoga a le Soofaatasi poo le Coalition ina ua mae’a ona faailoa mai le tala faatatau o le tupe a le faigamalo i le po anapo.
Fai mai le 9 News ua faaigoa e le teutupe o le Itu Agai, Angus Taylor se isi tax cut poo vaega ua aveesea mai ai lafoga, o se faatosina o le palota ma o le a lē mulimulitai iai le Soofaatasi.
O le faatalanoaga a Dutton i luga o le polokalame o le Today i le aso na ia matua’i upuia ai tax cut ia pei ona faailoa i le tala o le tupe, fai mai a ia o ni faiga taufaavalea.
Ina ua fesiligia i sona finagalo i le tala faatatau o le tupe, na saunoa ai Dutton o le aso a taeao o le a faailoa mai ai le latou tali i le paketi ma faailoa mai ai a latou fuafuaga.
Puna o Faamatalaga: https://www.9news.com.au/national/federal-budget-2025-peter-dutton-quizzed-on-coalition-tax-plan-after-labor-budget/a7c8f011-7ef8-4efe-af0c-3753b879fa0d
