O faamaumauga fou ua faalauiloa mai i le asō mai le falemai i Middlemore ua ta’ua ai e 36 pasene o gasegase e auina atu i le vaega o le emergency a le falemai sa faatalitali mo le oo atu i le silia ma le 6 itula faatoa maua se fesoasoani i le masina lea o Tesema.
O le taulaiga e pei ona faatulaga e le falemai ina ia ausia le 95 pasene o gasegase e vaaia i totonu o le 6 itula.
Fai mai le lipoti pau faaitu na tulaga faaletonu i le masina lea o Tesema, o Ueligitone, Capital and Coast ma Midcentral.
I se pepa o faamatalaga e pei ona agiga i lipoti a le RNZ i le asō ua ta’ua ai e le Te Whatu Ora-Health NZ o loo manino le mafuaaga o nei faatuai i le faigata o auaunaga ma tausiga manaomia aemaise le faaitiitia o le aufaigaluega.
Na saunoa le ofisa sili Margie Apa i lea pepa o faamatalaga o loo tumau pea le taulaiga ina ia faaleleia ia tulaga ma o loo galulue ai i le taimi nei.
