Ua faailoa mai e leoleo le suafa o le tamā lea ua maliu i le mae’a sola ai i le sami i Mt Maunganui i le Aso Gafua o le vaiaso nei.
E 37 tausaga le matua o John Rawiri Pitihira o Mt Maunganui lava na toe maua lava i le vaveao o le Aso Gafua lona tino maliu, ma o ia o se tasi o le toatolu lea na tuli ma leoleo ona o tuua’iga o le talepe fale.
O lē ua toe maua mulimuli nei lona tino maliu o lea na tamoe agai i le sami ia aua ai ne’i maua e leoleo, ma o lea na maua i le tusa o le itula e 5 i le vaveao o le Aso Gafua lona tino i le matafaga i Omanu.
Ua uma suesuega na faia i lona tino maliu, ma a o faia ai suesuega masani i lenei mataupu o lea foi o loo faia iloiloga a le pulega tutoatasi e gafa ma le iloiloina o galuega fai a leoleo.
Puna o Faamatalaga: Police name man who died after running into sea at Mt Maunganui | Newshub
