E $1.3 piliona le polokalame mo leoleo o lea ua faailoa mai e le malo ua faia mo le saogalemu o tagata Niu Sila i luga o auala tetele.
O totonu o lea tupe tele o loo iai siaki e faia e iloa ai poo faasuāavā le avetaavale faapea ai ma le tuliloa o avetaavale e lē o usitaia le saoasaoa faatapulaa e tatau ona o ai.
O loo afifi mai ai foi ma le $72 miliona e mafai ona alu aga’i i leoleo o se taui pe afai ae o latou ausia le sini o loo sau ma lea poloketi.
I le saunoaga a le minisita o fela’ua’iga ia Simeon Brown ananafi, na ia ta’ua ai o loo faatupe uma lea e le National Land Transport Fund.
O le pasene o tagata maliliu i luga o auala tetele ona o faalavelave tau taavale o lea e ta’uleagaina ai Niu Sila i le faatulagana o atunuu OECD, lea e toatasi le tagata maliu i le aso ma le toafitu tagata manunu’a tigaina i totonu o le fitu aso.
Puna o Faamatalaga: Govt announces crackdown on dangerous drivers with $1.3b programme (1news.co.nz).
