O se iloiloga na faia e uiga i le umi e faagaioia ai talosaga mo visa ua faailoa mai i le asō lona faaiuga ma ua ta’ua e foliga ua sili atu lea nai lo le silasila i lamatiaga o tagata malaga mai i le atunuu.
Lipotia e le televise tasi ua maua foi i le iloiloga o le taimi e laga ai e le aufaigaluega ni popolega e faatatau i ni lamatiaga, e lē o atoatoa le taulai iai o i latou o loo taitai.
O le iloiloga na faia i le pulega a le Accredited Employer Work Visa poo le AEWV ma sa faamatuu mai e le Public Service Commission poo le PSC.
Sa folafola le iloiloga lea i le tausaga talu ai ia Aokuso a o iai le minisita talu ai o le Immigration o Andrew Little ina ua alia’e ni tuuaiga e le o faia ni siaki i falefaigaluega aemaise nisi mataupu.
O le vaega la sa silasila iai le ausuesue sa taitaia e Jenn Bestwick pe sa lelei le faatāuaina o le scheme lenei aemaise poo siiilasila i ni mataupu e faaitiitia ai le soona faaaogā o tagata malaga mai i le atunuu.
O le Immigration NZ o se vaega lava o le Matagaluega o Pisinisi Alamanuia ma Galuega.
