O le taimi lona tolu lenei i le Tala faasolopito a Niu Sila ua faailoa ai le iai o le atunuu atoa i vaitau o Faalavelave Faafuasei (National State of Emergency).
Ua fautuaina ai foi le atunuu ina ia nofouta ma tapenapena i le tele o suiga ogaoga o le tau e aafia ai vaega o Niu Sila.
Ae i nisi lipoti ua faamaonia mai e le auaunaga o Tineimu ma Faalavelave Faafuasei a Niu Sila e silia i le 40 aiga i Eskdale i Hawkes Bay o loo poloka i totonu o latou fale ua aafia i lologa ae faapea foi taavale i luga o le State Highway 5.
I lipoti a le 1News ua faailoa ai le mafuaaga o le tuai o le tali atu i isi tagata o loo fia maua le fesoasoani ona o se tasi o auala laupapa ua faaleagaina ma poloka ai le auala faapea foi nisi o tagata o loo poloka i Puketapu.
Na faagasolo foi le sailiga o se tagata fuimu i Muriwai na leiloa mai ina ua solo se tasi o eleele (landslide) ma na taofia i le taeao nei ona o le faaletonu tele o le tala o le tau. O se tasi o alii fuimu o loo taofia nei i le falemai ona o manuaga tuga.
