O le 2 miliona o le a siitia iai tupe mo le atina’e o itumalo palota e 51 lea e amata i le masina o Iulai i le tausaga faaletupe o loo sosoo ai nei, o se tasi o vaega tupe o lea 2 miliona o le a faaaogā e faatino ai ni pisinisi mo le manuia o tagata o itumalo.
Ua faailoa lea fuafuaga e le Palemia susuga Laaulialemalietoa Leuatea Polataivao Fosi a o faagasolo ai le faamatuuina atu o vaegātupe o le tasi tesimale valu miliona i le tausaga faaletupe o loo faagasolo lea e mae’a i le faai’uga o le masina o Iuni.
Ua faailoa e le Palemia o le fuafuaga a amata le lua miliona mo Fono Faavae o le a ave le tasi le miliona lima selau afe e faagaioi ai atina’e eseese mo nuu ma afio’aga o itumalo, ae o le isi lima selau afe e atoa ai le lua miliona tālā, o le a faaaogā i atina’e tau pisinisi ina ia toe maua ai nisi tupe faaopoopo mo fuafuaga a itumalo.
O loo avanoa foi ona filifili se itumalo pe faaaogā le lima selau afe e teu faafaigaluega.
Se finagalo o le Palemia i le fono masani ma le autusitala.
