O atunuu e maua mai ai le suauu ua faia le latou faaiuga o le a faaitiitia le suauu e faamatuu mai, ma o se fuafuaga e le taumate o le a faaopopo atu i faigata o loo feagai nei ma tamaoaiga o atunuu o le lalolagi.
O atunuu o le OPEC poo le Organisation of Petroleum Exporting Countries ma a latou paaga ua faaigoa OPEC Plus ua o latou faailoa o le a faaitiitia mai le sapalai o le suauu i le lua miliona paelo i le aso e amata ia Novema.
Ua o latou faaalia o le faaiuga ua faia e fua i le tulaga le mautonu o loo iai nei le tamaoaiga o le lalolagi ma le maketi o suauu.
