Ua faia i le asō se folafolaga mai le minisita o le soifua maloloina Ayesha Verrall e faatatau i le tuipuipui fou o le Koviti-19 e avea o le tuipuipui faaopoopo mo tagata uma e siila ma le 30 tausaga le matutua.
Ta’ua e le minisita o le tuipuipui lea puipuia mai ai mai le koronavairusi pei ona muai pesia ai tagata aemaise foi o le tetee atu ai i le Omicron lea sa tele tagata na aafia ai.
Ua mae’a tuuina iai le ioega a le Medsafe e pei ona ta’ua i le Herald.
O le fuafuaga la ia oo atu i le aso 1 o Aperila o le tausaga nei ua maua uma e tagata tai 30 tausaga ma silil atu le booster lea e tusa lava poo le ā le tulaga o iai tuipuipui ua mae’a ona faia o tagata.
