Ua amata faaaoga nei le pasi fou e malaga ai fanau a’oga tausavali a le itumalo o Falealupo, na faatupe i le poloketi o le tasi le miliona tala.
Ua faailoa e le sui faipule o le itumalo le tofa Fuiono Tenina Crichton, o se fiafiaga lea i aiga o Falealupo ona ua tino mai se tasi o taumafaiga tāua o le latou tasi le miliona i le poloketi a le Malo, ua tietie ai fanau e a’ooga i le Kolisi maualuga i Asau ae o fanau foi e nofo tau mamao ma le a’oga tulagalua a Falealupo. E 155 afe tala le tau o le pasi na faatau mai i le kamupani o le ASCO.
Le sui faipule o Falealupo i le nofoa o le itumalo i le Palemene, le tofa Fuiono Tenina Crichton.
