O le iai i Samoa o le Komesina o le Matāgaluega o leoleo o le Malo o Niu Sila le susuga Richard Chambers, o se avanoa tāua lea mo le Minisita o le Matāgaluega o Leoleo, Falepuipui ma le Toefuata’ina a Samoa ma le Komesina o lea matāgaluega a lo tatou malo e faasoa ma fetufaa’i ai i le tele o auaunaga e mafai ona galulue faatasi ai, aemaise o le fesoasoani mai ai o le matāgaluega o leoleo a Niu Sila.

O le tula’i faaaloalo a leoleo o Samoa o se faaaloalo maualuga na faatino mo le alii komesina o leoleo mai Niu Sila, sa faia lea i le nofoaga o a’oa’oga faaleoleo i Tafaigata, sosoo ai ma le alii taeao i le ‘ava sa faafeiloa’i ai Richard Chambers ma lana aumalaga.

O le taimi muamua lea ua asiasi mai i Samoa le Komesina o leoleo o le malo o Niu Sila.