Ua faailoa e le sui taitai o le Malo le afioga i le Sui Palemia, le afioga Tuala Tevaga Iosefo Ponifasio i le faiaoga ma le pulega o le aulakapi o le Moana Pasifika, le avatu atoa o le lagolago a le atunuu i lana taaloga i le Aso Faraile, a o iai i lo tatou atunuu mo lana taaloga muamua o le taamilosaga o le Super Rugby Pacific.
Na faailoa lea lagolago i le sauniga na faafeiloai ai le Moana Pasifika i le taunuu o le solo faalauiloa i luma maota o le Malo i le eleele fou i le Aso Lulu.
O se vaega lenei o le saunoaga a le Sui Palemia.
Le Sui Palemia le afioga Tuala Tevaga Iosefo Ponifasio.
O le 5 i le afiafi o le Aso Faraile le taaloga a le Moana Pasifika ma le Queensland Red.
