E le mafai ona ola i totogi o loo maua ma o lea ua faaauau ai tetee a le aufaigaluega.
O le lē fiafia tele o i latou o loo galulue i fale tuitoto i le tele o vaega o le South Island faapea ai ma Ueligitone i totogi, ua faia ai ma tetee faaauau a o valaau mai ai se’i toe silasila i o latou totogi.
O le aso ananafi na savavali ese ai le aufaigaluega a le Southern Community Laboratories ona o le lē fiafia i totogi.
O se tasi foi o ona lala i Ueligitone o lea ua tapunia mo le 3 masina ona o le toaitiiti o le aufaigaluega.
O tetee faaauau i le vaiaso nei o loo sau ai tala o loo faatalosagaina ai e le aufaigaluega e tauala mai i le iuni le siitaga e 5%.
O le faanoanoaga tele o le aufaigaluega o lea na maua faamanuiaga e $41 miliona a tagata fai sea i le tausaga talu ai, ae o lea e leai se siitaga o o latou totogi.
O le asō o loo faaauau ai tetee nei ma le tala e faaauau atu ai i le vaiaso o i luma.
