Ua pasia le faitauga faalua o le pili e faamuta aloaia ai le pulega a le Maori Health Authority, poo le Te Aka Whai Ora.
E ui i le faatauanau ma talosaga tagata Maori agai i le faigamalo e solitulafono le tapuni o le pulega faalesoifuaina maloloina na faia faapitoa e faafeiloaia ai manaoga o tagata Maori i le itu tau le soifua maloloina, ae o lea lava ua fai mea faasolo le malo.
Sa taumafai le malo anapo e pasia le tulafono e aloaia ai lenei suiga, peitai o le umi o fesili ma tali mai Itu Agai o lea ua toe faaauau mai ai i le taeao nei.
Ua upuia ai e le taitai o le Labour, Chris Hipkins le malo i lona faamuta o le pulega e aunoa ma le vaavaai muamua i se isi laasaga e suia agai iai.
Na saunoa le minisita o le soifua maloloina, Dr Shane Reti, ua uma le 18 masina talu ona faavae mai lenei pulega ae lei oo lava i se tulaga ua mafai ai ona malosi.
Ae na ta’ua e le Pule Sili o le pulega, Helmut Modlik, e leai ni suiga e mafai ona vave ataata mai i totonu o le na o le 18 masina.
A o fai mai ai sui o le pati a Maori, o uiga lava ia o le faigamalo fou o le mananao e faanatinati ma faia toatasi faaiuga, ae ua tali le Palemia, Christopher Luxon, e lē sa’o ia faamatalaga ma fai mai o le a toe faaaogā tupe ia o loo faaalu i le Te Aka Whai Ora e tuuina atu i isi faalapotopotoga Maori faalesoifua maloloina.
