Fai mai lipoti o le a faaauau pea ona silasila le malo i le atinaeina o sana fuafuaga faapisinisi mo le hydro scheme i le vaituloto Lake Onslow e ui o loo fuafua atu le tau pe ā ma le $16 piliona e manaomia e fausia ai.
Ta’ua i se faamatalaga a le minisita o malosiaga ma Alamanuia Megan Woods o le afaaauau pea ona silasila i avanoa ma vaavaai ai i faiga faatekonolosi o loo avanoa ane e mafai ai ona ausia ni faamoemoega mo Lake Onslow.
O le faamoemoe e pei ona ta’ua i le lipoti ia faamautinoa e lava le eletise mo le atunuu i tausaga o lumanai ai aemaise i tausaga vevela.
Na ia ta’ua foi i se komiti filifilia i le asō o le faaauau pea ona faaaoga fossil fuels poo malosiaga mai otaota ua pala o laau ma meaola, e le o se tulaga tumau lea i le silasila faalesiosiomaga aemaise foi i le tulaga tau tamaoaiga.
