Tele fale faigaluega ua seia o latou laisene e mafai ai ona faafaigaluega tagatanuu mai isi atunuu a o faaauau pea suesuega i visa e lei sa’o ona fai.
Talu mai ona aliae alii faigaluega mai Initia, Saina ma Bangladesh i le tausaga talu ai lea na omai i visa faigaluega ae taunuu mai i Niu Sila e leai ni galuega toe leaga fale e nonofo ai, o lea lava e faasolo suesuega a le Immigration a Niu Sila.
Mai nei suesuega e 136 fale faigaluega ua seia laisene ae 51 fale faigaluega o loo faamalolo lē tumau i le taimi nei, ese ai le isi 167 o lea o loo suesueina nei.
E lē gata la o fale faigaluega ae faapea foi i latou ua ta’ua o immigration advisers, lea foi ua molia i le tulafono i moliaga o le pepelo o faamatalaga na fautuaina ai tagata.
E tusa ma le 200 isi tagata na tuuina atu iai visa i lalo lava o le accredited employer work visa scheme peitai o lea lava o loo i atunuu i fafo ua lē mafai ona omai ona ua toe faaleaogaina visa faigaluega.
A o faasagasaga ai suesuega i fale faigaluega o lea foi o loo tālia pea nei iloiloga a le komisi o loo vaaia galuega a le malo faasaga i le polokalame o loo faagaioia ai visa faigaluega nei lea e faapea e sau i tua i le masina lenei o Fepuari.
