Ua amata foi le isi vaiaso mo le galuega fita o feagai ma le tineimu i Vitoria lea ua faifai tetele ai le sasao a le afi i togavao.

O le vevela faamauina i le asō fai mai e oo atu i le 40 tikeri i nisi vaega o le setete.

E ono fale ua faaleagaina i se nofoaga e lata i Ballarat talu mai le faaiuga o le vaiaso na mu ai se togavao ma sosolo ane ai i fale.

O le tala o le tau o loo lipotia mo Vitoria e lē o fesoasoani i le galuega a le tineimu o loo faia nei ma na amata mu mai le nofoaga lea mai le aso ananafi seia oo mai anapo.

O isi faaitu lalata atu iai lea ua lapataia ia nofo sauni.

Ua oo atu i le afe le aofai o le aufaigaluega a le tineimu o loo galulue ai i le afi lea ma o loo fautuaina tagata ia aua le nofoai ae vave ona agai ese mai mo le saogalemu pe a vaaia le lalata atu o le afi.