Ua lipotia le lē fiafia o le aufaigaluega ma sui o le iuni faigaluega a le Massey University ona o le a faaauau pea le fuafuaga a le iunivesite i le toe faatulagana o le College of humanities and social sciences lea o le a aveesea ai avanoa faigaluega e 20.
E lua aoga i totonu o le kolisi, le school of humanities, media and creative communications atoa ai ma le school of people, environment and planning.
Ta’ua i lipoti mai le Stuff sa iai se fuafuaga na tuu atu e se vaega o le aufaigaluega i le Iunivesite e lē aofia ai le aveesea o avanoa faigaluega ma o latou lagona e sili atu pe a fua i tulaga tau tupe peitai e foliga o lea o le a faaauau pea le fuafuaga na muai faalauiloa e le Iunivesite.
Fai mai le sui faaao o le kolisi Prof Cynthia White o finagalo faaalia uma i le mataupu lenei sa faafofogaina, ta’ua foi i se faamatalaga mai le sooupu a le iunivesite sa ofoina le voluntary redundancy i le aufaigaluega, poo le avanoa e malilie ai latou lava e vāea mai le galuega.
