Ua faamatuu mai e le Netflix se isi faaata o le isi polokalame faamatala poo le documentary a le perenise o Harry ma le tamaitai o Meghan Markle lea foi ua faalauiloa mai.
O lea vaega o documentaries ua faaigoaina Live to Lead ma e taulai ai i auaunaga a taitai o le lalolagi ma o loo aofia ai ma se tasi e silafia uma e le atunuu, le Tamaitai Palemia o Niu Sila, Jacinda Ardern.
O le polokalame faasolo lea e faatalanoa ai suiga i le soifuaga atoa ma suiga i le tau, e aofia ai ma se vaega o loo faaali mai ai Ardern o faia sana faamatalaga e faatatau i tulaga faataitai.
O loo lipotia e le Daily Mail ua fausia se faigauo a Harry ma Meghan ma le tamaitai palemia talu ona mae’a mai le la malaga taamilo lea sa afea ai ma Niu Sila i le 2018.
O le isi la vaega lea o polokalame faasolo a le alii perenise ma lona toalua ua faailoa mai i le mae’a o le faalauiloaina o episode sa faatalanoa mai ai i tulaga sa feagai ma laua i le aigatupu lea e manatu le toatele o ni faatalanoaga ua atili masesei ai ma le aigatupu aemaise le Tupu o Salesa.
