Ua faaali le lē fiafia o le toatele o avetaavale ua maua lelei i le poloka o le alatele i le vaega pisi lava o Melepone, le West Gate Freeway ona ua lata i le tai tolu agai i le fa itula o poloka le alatele.
O avetaavale o loo agai mo tafaoga ma le asia o aiga i aso fiafia ua poloka uma ai i le faaitu lea ma na amata mai i le Aso Lulu.
Fai mai o se faaletonu i le google maps lea o loo matele ina faaaoga mo feoaiga, ua mafua ai le faaletonu atoa ai ma isi magaala o loo tapunia.
O nisi faasea ua agai i auaunaga e faailo ai tulaga o femalagaa’iga lautele sa tatau ona alofia ai lea faiga aemaise o le tele o fuafuaga a tagata o loo fia malaga ai e asia uo ma aiga i lenei piliota o le tausaga.
