Ua lipotia mai i le asō le sauniuni ai o le Atu Europa e sauni ona tagata mo se tulaga faatupula’ia o faamata’u ua lalata atu i ona faitoto’a.
Fai mai le CNN e iai atunuu o le Atu Europa ua ofoina ane iai ta’iala i tapenaga o tulaga faapea e pei ona saunoa ai le failautusi o le NATO, Mark Rutte i Brussels ua oo i le taimi e sui ai le mafaufau i taimi o taua.
Fai mai lipoti o loo iai le popolega o ta’ita’i o Europa e ono faasolosolo mamao atu le osofa’i a Lusia i le Atu Europa aemaise ua vaaia le toe maua e Lusia o nisi vaega o Ukraine.
Ua mae’a unaia e le European Commission ona sitiseni ina ia teu ia lava taumafa e mafai ona tausia ai latou pe a tula’i ni vevesi ma ia tapenapena ma sauniuni.
Puna o Faamatalaga: https://edition.cnn.com/2025/04/12/europe/europe-citizens-war-ready-intl/index.html
