Parliament

Eseese manatu i le leai o se Komiti o Tupe i le soalaupulega o le tala autu o le tupe

O  taualumaga o le Palemene i le Aso Gafua 20 o Setema e le’i tuua se avanoa e le Fofoga Fetalai i le finagalo o le taitai o le ituagai e toe silasila ai i le vaega 39 ma le 45 o tulafono tumau ona o le lafo ua pasia e le tamaitai Palemia. 

O lea lafo na pasia i le maota fono i le vaiaso ua mavae ae le’i auai le ituagai i le taimi e le’i faatautoina ai ona o le lafo lea ua see ai le tala o le tupe e soalaupule ma auliiliili vaega uma i le Palemene e aunoa ma le tuuina atu i le Komiti o tupe o le Fono Aoao Faitulafono. 

O le finagalo o le taitai o le ituagai le susuga Tuilaepa Sailele Malielegaoi e ao ona ave i se Komiti o le Tupe e avanoa ai faauluuluga uma o Matagaluega ma Faalapotopotoga a le Mālō e fesiligia i vaega tupe ua faatatauina mo latou auaunaga.

O se vaega lea o le finagalo o Tuilaepa ma le tali a le Fofoga Fetalai ma le faauilavea a le tamaitai Palemia Fiame Naomi Mataafa 

Taua e le Fofoga Fetalai Papalii Li’o Taeu Masepau “O lea ua faaauau galuega a le Palemene o lea ua tatou galulue faatasi Ia tatou feoeoea’i, manaia lau saunoaga ae ua tautuā upega, o lona uiga ua omai ua faagasolo

isi mea e tatau ona fai o le mea ogosai le tautuā upega o lea faagasolo le galuega. 

Tali Tuilaepa “O le a onosai le tautuā upega, o le a o’u onosai ae o’u te faamalie atu foi la na’o le pau a le mea sa o’u fia agai iai o le faamanino i lalo o le 139 o le faatulagana o tatou galuega e pulea lava e le Mālō ae a oo loa i le tala o le tupe ona lē faapena lea ona faagasolo ae oute fautuaina lau afioga sei toe silasila i le 139 e oo loa i le talanoaina o le tala o le tupe e lē mafai ona pulea e le Mālō.

Na faasalavei le tamaitai Palemia ma faapea “Ua soli fono tele le taitai o le ituagai ma lē faaaloalo i le nofoa ma lau afioga afai e fia fofoga fetalai e sili ona afio atu ina o lau afioga o loo faafoeina le tatou fono ae onosai mai le taitai o le ituagai ua ese le mea na ete nofo ai”.

O le asō o loo fagasolo pea uluai folosaga a faipule taitasi i latou taimi faatapulaa, ae na saunoa le fofoga fetalai e mulimuli ane toe tuu i ai avanoa e lua tai sefululima minute e toe vailiili ai mataupu tau i le tala o le tupe 2021-2022

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required