A o mafatia ai nisi o aiga Aukilani ona o lologa sa iai, ae ua faaopoopo iai le isi avega e le augaoi.
E tusa ma le 9 fale o aiga i Epsom na faaleagaina e lologa, na osofaia ma gaoia.
O fale uma nei e faapea e tuaoi ma le faipule o Epsom David Seymour, ma o se faanoanoaga tele ia te ia ina ua ia asia fale nei na gaoia.
O loo iai le manaoga o Seymour ia maua e leoleo i latou na faia lenei faiga lē alofa, ma ia tonu foi le faaiuga a le faamasinoga.
I se lipoti mai le ofisa o leoleo o loo unaia ai pea tagata ia vave ona valaau atu i le 111.
