Ua lipotia mai nei le oo atu i le ‘afa o tagata Kiwi ua alofia le agai e vaai fomai nifo.
I faamaumauga a le New Zealand Dental Association, na ta’ua ai o le tele o fale fomai nifo ua maitauina le siitia o le tau e vaai ai tagata e agai atu e pei ona iai le $98 i le va o le 2020 ma le 2023.
Na māua i suesuega a le soifua maloloina, o le toatele o lea ua taumafai lava i auala ia aua ai ne’i o e vaai fomai nifo.
Faaalia ai e le asosi i tala a le 1News le faapopoleina o i latou ma ua moomia vave se fesoasoani a le malo.
O tagata e maualalalo tupe maua lea o loo matuai iloga ona aafia, poo tagata nei e lē agavaa i se penefiti poo nisi lava fesoasoani mai le malo.
Faamauina i suesuega na faatino e iai nisi itu e oo atu i le $89 peitai ua iai lava isi ua oo atu lava i le $200 le tau.
E tuufaatasia tala fou, e lei tali mai le malo ae a toe tepa i folafolaga na faamalele i taimi o faigapalota tele i le tausaga faatoa uma atu, o le Labour lea na fai mai latou te faia fua oloa o tagata e i lalo o le 30 tausaga, ae o le National na ofoina mai le $120 miliona faaopoopo i le Child Dental Package mo le isi fā tausaga.
