Ua folafola o le a faafaigata atu ona toe mafai ona sao se tagata e taufaasese lona auala atu i se galuega faafomai i le falemai i Middlemore i le mae’a o le mataupu na vaai ai e se tagata e le o se fomai mo’i ni gasegase se 80.

Fai mai le One News o Yuvaraj Krishnan 31 tausaga ua falepuipui nei mo le tolu ma le ‘afa tausaga ona o lona faasese o le agai atu faapea o ia o se fomai i le respiratory team i le taimi tonu o le pepesi tele o le koviti i le tausaga talu ai. 

Fai mai faamatalaga mai le faamasinoga o lea alii sa ia faasese le faiga o se tusipasi faafomai ma isi pepa faamaonia ae sa ia faaaoga lona igoa sa’o e ui sa ia iloa lelei na suesueina foi o ia mo le faataitai foi faapea o ia o se tama aoga i tulaga faafomai i le iunivesite o Aukilani.Fai mai sa ia tuuina i le falemai references fai mai e mai ni fomai mai Aukilani ae leai ni tagata faapea.

O le faamatalaga mai le falemai e pei ona lipotia ua ta’ua ai ua faia se iloiloga auiliili o le mataupu ma ua faia ni gaioiga e faaleleia atili ai le auaunaga ma taofia ai le toe tulai mai o sea tulaga faapea i le lumanai.

Ua faatoese foi le falemai i gasegase uma sa aafia i le mataupu lea ma faailoa e lei iai se isi na afaina i faiga taufaasese a le alii lea o Krishnan, ua le o toe fomai nei ae ua tuli le faasalaga i le falepuipui ona o le taufaavalea.