E ono lē toe moomia e le supamaketi a le Countdown tagata faigaluega ua ta’ua o butchers ma afai ae aloaia, o lona uiga o le a lē toe iai ni a latou galuega.

O lea ua faailoa e le Countdown i tagata faigaluega nei e galulue e fasi manu, suiga ua vaavaai iai supamaketi a le North Island, ma i tala a le leitio a Niu Sila o se fuafuaga e ono alu ai ma le vāea.

O lea ua amata faatalanoaga o le suiga, ma o lea foi ua mae’a faailoa i le aufaigaluega o loo galulue i le itu o manu fasi lenei suiga aemaise o le aafiaga mo i latou.

Mai le sui o le Countdown, o loo galulue foi ma le iuni ma o loo maua lava foi le avanoa e faigaluega ai pea mo le supamaketi i isi itu o le pisinisi.

E le o mautinoa mai poo le ā le umi o faatalanoaga o loo faia, ae poo afea foi o loo vaavaai ai le Countdown e aloaia ai.